كل واحد فينا دايما
ليه نصيب حتما يشوفه
واللى فكر ليه وقدر
بكره ح يهون ظروفه
اللى عايش مش سعيد
واللى ف الغربة بعيد
واللى كان دايما وحيد
واللى فرحان عنده عيد
واللى مهما اليأس صابه
ناوى يبدأ من جديد
واللى إبنه عنه غايب
كان فى يوم يحلم يشوفه
واللى فايتينه الحبايب
واللى عاش ف وسط خوفه
هو ده طبع الحياه
ساعه تدى وساعه تاخد
القناعة طوق نجاه
إوعى قلبك يبقى جاحد
أرضى باللى قسمه ليك
ده اللى خلق الخلق واحد
مين على حكمه يجير
كل شيئ بعلمه وارد
تبقى مين أوحتى إيه
لو فى يوم تقدر تعاند
....
....
كلمات
الشاعر محمد ثروت عبد الحفيظ
الشاعر محمد ثروت عبد الحفيظ
ليست هناك تعليقات:
إرسال تعليق