مشينا و النصيب كتاب
و حروفه خطاوينا
نضع خطوة و راء خطوة
و يمشي ذا الزمن بينا
ننال القسمة و الحظوة
و تتأجل أمانينا
كتبنا الحزن بأشكاله
شربنا المر نرثى له
عشان المر يروينا
و صغنا الحال و أهواله
و ظهر القهر شياله
عشان ترضى موالينا
تمنينا الفرح ييجي
نشوفه حتى لو يمشي
و ما يسكن حوارينا
عشان فيها آلام و جراح
بدال السعد و الأفراح
بترفرف حوالينا
و تخطف كل يوم أعمار
و تقطف وردنا أزهار
و تدفن غلبنا فينا
صبرنا بيه و صبرنا
معانا صبر أعمارنا
و قلنا دى اللي جي لينا
أكيد بكرة اللي جاي أفضل
أكيد الحال حيتحول
و يثمر صبر ماضينا
لأن الأرض ولادة
و خير الأرض في زيادة
و مقسومه يكفينا
لو إتولى العطاء عادل
بفهم الحق موش جاهل
بقسمة عدل يرضينا
.....
بقلم
بقلم
أحمد صلاح
ليست هناك تعليقات:
إرسال تعليق