عصفوري طار من بين ايديه
عصفوري كان في ايديه
كان مالي الدنيا عليا
كان ساكن في حضني
نايم جوة عيوني
ومدفياه برموش عنيه
مخبياه من لياليه
سقيته حبي وحناني
باديه،
طعمته حب عنيه
كان لما يعطش اسقيه دمع عنيه
كان الهواء والنور والميه
كان النسمه اللي بتهل عليه
عشت معاه اجمل ايام ولياليه
دريته من الزمن جوة روحي
اه ياعصفوري كنت
بتحب دفى قلبي
بس في غمضه عين اخدوك مني
ربي يسامح اللي شغلك
وضحك عليك وأخدك مني
سبتني وحيدة في لياليه،
أسهر أ بكي وتغرق الدنيا
بدموع عنيه
ليلي طال في سكون واسيه
حتي احلامي بقت خاليه
من الحنان والحنيه
القلب بكي وروحي بتشتكي الوحدة
ياحبيب القلب ياعنيه
ليه تسيب الحضن
وعش الحنيه،
ده انا بنيته من الفضة وفرشته
حرير ودهب لاجل عيونك ديه
وفرشت ارضه بالدفا والحنيه
فى لحظه تطير من بين اديه
وتسبني للحسرة ودموع عنيه
ياريتك ياعصفوري ترجع لي تاني
وتعيش معايه ايامي الجايه
ننسي الدنيا ونفتكر بس
في حبك ليه..
....
5-11
....
5-11
بقلم
عبير جلال
ليست هناك تعليقات:
إرسال تعليق