أحبها
بقلم السيدابوطاحون
...........
وقف الزمان
يسمع و يتعجب
أصل اللي حاصلنا
من الخيال أغرب !!
هز الزمان شجرة
لمست خدود السحاب
فلاح في ايديه بقرة
معجون بخير التراب
نقرأ وما يقرا
أمي ملوش في الكتاب
والامرا و الشعرا
يمصو شهد اللي جاب
ويفضل الفقرا
الفلاحين للعذاب
..............
هزيت يا نيل موجك
سمكه ومراكبيه
والليل طويل تعبان
والنجمة مش ليه .. !
يحصل ما يحصل يا نيل
وأنت تجيب مايه
نروي الشجر والنخيل
للخمسة في المية
واحنا السمك الصغير
واحنا المعدية
..............
داري انا علي الدود
في المش قابلني
في القطن قاتلني
في فراخ جابوهالي
وكان بيه موعود
ما هو المثل بيقول
الجوع جبان كافر
وأنا كمان كافر
في رأي اسيادي
عشان انا الفلاح
عشان انا الاخنوم
رافض ابات مظلوم
رغم الصلا والصوم
وجهاد ما يعرف نوم
بقيت انا الكافر
والسافل الفاجر
يبقي أمام القوم
..............
يااا كل حراسي
كتفي سرير فاسي
قطع الغفير رأسي
ركبتها تاني
لولا اتسجن رأي
ما وصلو دول ابدا
للمجلس القاسي
في لحظة التزييف
خطفو من ايدي الرغيف
دخلو مجالسنا
سرقو ملابسنا
حشيش علي أفيون
مليون طرح مليون
كترة ملاينهم
والجوع علي صدري
قاطع لسان فكري
وخدت ايد ابني
عمر يا واد وأبني
النملة بتحوش
خف الجمل يهبش
حرامية اغنية
صبحو مثل للكون
لكن مثل ملعون
ما هو المثل بيقول
الجوع جبان كافر
وأنا كمان كافر
في رأي اسيادي
عشان انا الفلاح
عشان انا الاخنوم
رافض ابات مظلوم
رغم الصلا والصوم
وجهاد ما يعرف نوم
بقيت انا الكافر
والسافل الفاجر
يبقي أمام القوم
.............
نشرت هذه القصيدة
في مجلة " الساحة "
في العدد الأول .. يناير 1986 م .
في مجلة " الساحة "
في العدد الأول .. يناير 1986 م .
الاخنوم هو : الفلاح المصري
الفرعوني الفصيح .
الفرعوني الفصيح .
ليست هناك تعليقات:
إرسال تعليق