..** بلد الأزمات **..
أم الانسان .. حضن الفنان ..
بانيه الاهرام .. بلد الحضارات
.......
دا تاريخها عجيب .. وحاضرها غريب
أخبار أهرام مصر ياحضرات
........
فين مجدها فين .. وفين التمساح ..؟!
وبنينا السد .. وسد حاجات
........
سبقونا بلاد بخطط وعناد ..
بقت الامجاد .. ف إدين خواجات
........
وبقينا رجال .. وأسود أبطال
ماسكين فى ديول المجد .. ساعات
........
دُبنا ف سُكَّر .. إضحك كركر ..
إشغل عقلك .. بالتفاهات
.......
عيش فى مُعسكر .. وإوعى تفَكَّر ..
حاول تُخرج .. م المتاهات ..!
........
طَبِّل وإعزف .. للى بيقرف ..
واللى بيغرف .. فى الخيرات
.......
فوضى بتحصل .. زاحم توصل ..
إقبَض حصَّل .. فى إنتخابات
.......
هات لاولادك .. عِيش وبطاطس ..
فول طعميه .. بلح أمهات
......
طفِّى عنادك .. عقلك غاطس ..
جُوَّه مُسلسل .. فى القنوات
......
فى إستعبادك .. عيش لإسيادك ..
إحكى وكَتَّر ... فى الحكايات
......
أصل بلدنا .. بمليون مدنه ..
بس أسدنا .. ملوهش آيات
......
جُوَّه متاهه .. سحرنا و خدنا
وإتعوِّدنا .. على الأزمات
...................................
مع أطيب التحيات / حسن الليثى
.............................
ليست هناك تعليقات:
إرسال تعليق