● شجن الدواخل ●
اشتهيت نظرة منك تسكن عيوني اشوف من خلالها الدنيا...فرحة
يا ست ريدي فيك قلت شعري فيه القوافي هن دلالك ....ولمحة
من حرفن كتبتو حملتو أشواقي وهديتو ليك مع النسيم يا. سمحة
في ملامحك شايله من الزهر ابتسامه وجبينك في لونو.... قمحة
.
الشمس لونت أطرافو طبعت في خدك سمرة أضحت لي... متاحة
أصف من خلالها جمال قوامك وكيف اناد خلاني في.... الفصاحة
متل غناي يدندن جعل الطرب سمة البيحضر حفلتو في.... ساحة
ترقص فيها المشاعر ونبض القلوب قي تسارع وما لاقيه... راحة
.
يا أسمراني اللون في عيونك دعج والوجن رويان ودا... السباني
لؤلؤ عوارضك لما تبنسم زي ياسمين مفتح زهرو دا ....الرماني
بسحر مفاتن خايله فيك وانك بتهدي الجمال لغيرك وماك ..اناني
كالبدر ما بتخبيهو سحابات في عجاله يرحلن وبهاك خلق ..رباني
.
هويتك واشتهيتك أصل النفس لما تهوى يكون مرادها .....شوق
زي الرضيع لمن تغيب أمه شوقو بيكون للرضعة في........ توق
حمامه لمن تقوقي على فريع شجرة الشجن مرادها........ فوق
الوحدة العليها محتاجة لولبفها أهو في عافية ولا حاميهو.. طوق
● ود قطبي ● 2018 /2 /26
ليست هناك تعليقات:
إرسال تعليق