محطة عمر
....
....
من سكرة الليل وأنة النايات
رد الصبح نغمات وغناني
ومدت حبالا الشمس ع الشباك
ووعيت زرار الزهر خجلانة
واحمر لون الورد ع الوجنات
وطلت من الشباك حيرانة
يومين صرلا تراقب النجمات
يوعى عليها الصبح سهرانة
جبلا خبر بجانحو العصفور
وهدا ع غصنا ونقد رمانة
وعيت ع دقة قلبها المشغول
حلم جوا حلم جوا حلم تاني
دق الفجر ع درفة الشباك
تيفيقا والصبح وعيانة
وعلم الف قبلة على الوجنات
ومسحة اصابع ايد تعبانة
وتلعثم لسانا من الارباك
ما بين وعيانة وغفيانة
باب السهر مفتوح والشباك
ريحة خمر كاسات وقناني
شو صار ما بتعرف بكار الحب
دقت ع باب القمر حلمانة
وتسمع بحبك وتقول ما بنساك
وعيت بخمر الحب سكرانة
.....
.....
بقلم
نوفل خليل عباس
6/12/2018
ليست هناك تعليقات:
إرسال تعليق