سألني الليل ....
عيونك ليه سهرانه
هايمه في السما مع النجوم
تايها ... وحيرانه
إرحم عينيك
سهرك دا بيألمني
قلت يا الليل ...
بافكر في اللي هاجرني
وطيفه ساكن النني
وحبه بقى ماضي
وقلبي أنا
عن هجره ماهوش راضي
في ظلام ليلي يعذبني
وطول اليوم مشغول عني
كلمته وقال
ماهوش فاضي
وقلت في يوم أعاتبه
وأشتكي غربتي لقلبه
وأفكرو بالماضي
هجرني يا ليل ...
ونسي الماضي والحاضر
وسابني يا ليل ...
في لوعتي
وقلبي خلاص ما هوش قادر
دا اول حب بيه موعود
وقلبي ليه مخلوق
في الدنيا
وعشانه موجود
سابني يا ليل ...
ولا قلبي صبح خالي
ولا هو داري بحالي
في الليل يجيني طيفه
يذود لوعتي وأسايا
وصبحي ويل
عشان مش معايا
سهران يا ليل ...
أشكي غربتي في هوايا
بحلم بحضنه
وحضنه عندي
في الدنيا كفاية
وأمتى يجيني ياليل ...
يمسح دمتي
ويرحم بكايا
وترجع فرحتي
وتفرح يا ليل ...
معايا
.....
بقلم
.....
بقلم
محمد صلاح حمزة
ليست هناك تعليقات:
إرسال تعليق