كل ما أحاول أعيش مع نفسى
وأنسا جراحى وألمى ويأسى
يظهر جرح جديد قدامى
وأرجع تانى وأصبر نفسى
على دنيا دايما نسيانى
نفسى يادنيا تخفى شويه
ليه قصدانى كأنى الجانى
ده أنا طول عمرى بأعيش ف القسوه
حتى الحظ بيتحدانى
من صغرى وانا شايل همى
والفرحه ناسيا عنوانى
دايما بأصبر على خدعنى
وتسبب ف سنين حرمانى
مهما أتألم مش بسمعنى
ف الدنيا عايش وحدانى
كل ما أحاول أفوق من وهمى
ألقى خياله فجأه ندالى
كأنى ف حلمى ماشى بكمل
بس حبيبتى مش شيفانى
لو قلبها كان حس بحبى
كانت ولا عمرها تنسانى
بس ياقلبى كفايه عذاب
عاشوا نسينا وقفلوا الباب
ولا راحوا يرجعوا ليك من تانى
....
بقلم
....
بقلم
الشاعر
محمد ثروت عبدالحفيظ
ليست هناك تعليقات:
إرسال تعليق