" حبيبـــــــى .. " زجلية الشاعر محمد ثروت عبد الحفيظ / مجلة همسات شعرية

حبيبتى بعيون غجريه

وقوامها زى العسليه

بصتلى بصه خطفتنى

ومعاها دوقت الحنيه

ولقتنى تايه مش دارى

معرفش إيه اللى جرالى

شقلب لى حالى خلانى

أنسا حياة العزوبيه

بتمنى لو يوم يجمعنا

ويحس بينا ويسمعنا

وننسى خوفنا وأوجعنا

وكفايه غلب ومرازيه

لو حسه بيا وشيفانى

ياشغله بالى وسحرانى

هجرك ياغاليه بكانى

ومشاعرى صبحت منسيه

غلب السنين من حرمانى

ولا بعدى عنك نسانى

ولانبض قلبك راسانى

ورمش عينك خلانى

سهران ودايب ياصبيه
....

كلمات
الشاعر
محمد ثروت عبدالحفيظ