قطر الهوى فات ...
وحبك في قلبي مات
والليالي الحلوة والشوق
بقت ذكريات
حتي الشموع
بقت دموع .. وآهات
وتاهت خطاوينا
وبعدت المسافات
و ليه العتاب والندم
ما خلاص بقينا بعاد
إخطارنا بإيدينا الألم
ومشينا طريق العناد
وكفايه علينا كده
كفايه علينا عذاب
وخدنا إيه من كدا
غير بعدكم يا أحباب
ومين فينا اللي بدا
ولا دا قدر مكتوب
لا يفيد فيه اللوم
ولا حتى العتاب
لا جاني منك إشارة
ولا نظرت شوق
و لا حتى علامة
تحي الأمل من تاني
و أنسى الملامة
ويرجع الحب القديم
... وزمانه
ويرجع القلب اللى تاه
... لمكانه
و يطيب الجرح اللى قاسيته
معاك وكنت إنت دواه
و يرجع الحب تاني
لا ينساني ولا أنساه
وتفيد بإيه الأماني
وعواصف الحرمان
حكم بيها الزمان
ورجعت الآهات
وقسوة الساعات
ومنين أجيب حب تاني ..؟؟
وحبك في قلبي مات
وقطر الهوى فات
.....
بقلم
.....
بقلم
محمد صلاح حمزة
ليست هناك تعليقات:
إرسال تعليق