على من تلوم يا حامي حمانا .. و تعزّر شعب عيّاه القدر
ياكلنا الحوت و البحر و طوفانا .. و لا عيشة ذل في ارض الخور
لوما الفقر و القهر و زمانا .. ما يشري الموت بامواله بشر
و ما نخلّوا امات بدموعهن حزانا .. عند شطوطنا يراجن خبر
زعما الموت بيخطف ضنانا .. و الا يفرحن لو ڨالوا عبر
تسيل دموع و نڨبل عزانا .. و نبكي وطن للهاويه انحدر
علينا دارت فردت رحانا .. ترحي و تطحن في قلوب البشر
....
بقلم
....
بقلم
محمد طه العمامي
ليست هناك تعليقات:
إرسال تعليق