فى يوم روحت لعروسه
عارفين قالت لى إيه
قالت أنا مهرى غالى
ولا يوم تقدر عليه
وإن كنت ليا شارى
وارينى هتعمل إيه
قولت أنا صبرك شويه
واللى أنا هقدر عليه
راح أجيبه ومن عنيا
واللى إنتى بتتمنيه
قالت لى هات قوام
كل اللى بأحلم بيه
ماتهمنيش ظروفك
ولاحالك يبقى ايه
عيزالى سفره غاليه
وكمان معاها النيش
والشبكه تبقى عاليه
والقايمه زيها مافيش
وإوعاك ف يوم تطنش
أو حتى تقول مافيش
قولت لها انا قلبى غاوى
بتصعبيها ليه
عمر الفلوس ما تسعد
مكان بتبقى فيه
وأنا جاى وليكى شارى
وف قلبى حنان ماليه
راح نبنى بيت صغير
وهنكبر بكره بيه
واللى هينقصنا منه
هيجى يوم نلاقيه
وده عهد عليا ليكى
ياحبيبتى راح أوافيه
قالت لى إنت فى طريقك
وأنا ليا برضه طريق
لاكنت اف يوم حبيبى
ولا كنت ليا صديق
وأنا عايزه حياه سعيده
وبيت أتبها بيه
وكل طير يولف
ع اللى بيشبه ليه
فكر وقول قوام
لو شارى هتعمل إيه
قلت لها انا قلبى باقى
بس أنتى بتبعيه
سلام وشوفى غيرى
وكمان أبقى إسأليه
وقلبى هينسى طيفك
والحب اللى كاويه
محتاج ملاك يطبطب
على قلبى اللى شاريه
مش بالجراح يحطم
كل اللى كان بانيه
............
............
بقلم
الشاعر
محمد ثروت عبدالحفيظ
